Ymgeiswyr Etholiadau 2012

Mon, 10 Oct 2011 09:17:42 +0000

Mae Emyr Webster wedi cael ei ddewis fel un o'r tri ymgeisydd ar gyfer Ward Treorci ar gyfer Etholiadau'r Cyngor yn 2012, ynghyd a'r Cynghorwyr presennol, Sêra Evans-Fear a Cennard Davies, a fydd yn gobeithio cael eu hail-hethol. Ar ol gwasanaethu'n frwd yn ward Treorci ers 1999, roedd Cangen Treorci o Blaid Cymru yn drist i glywed fod y Cynghorydd Edward Hancock wedi penderfynu ymddeol. Serch hynny, rydym ni'n hapus i gyhoeddi fod Emyr Webster, rhywun sydd wedi chwarae rol blaengar iawn yn y gymuned, wedi cael ei ddewis i gymryd ei le.

SÊRA EVANS-FEAR

Cafodd Sêra ei hethol fel Cynghorydd ar gyfer Ward Treorci yn 2008. Mae Sêra'n mynychu cyfarfodydd PACT yn Ynyswen a Threorci, mae hi'n Lywodraethwraig yn Ysgol Gynradd y Parc ac yn Ysgol Gyfun Cymer Rhondda. Mae Sêra'n aelod o Bwyllgor Rheoli Neuadd y Parc ac mae hi'n aelod o Bwyllgor Craffu Addysg a Dysgu Gydol Oes y Cyngor. Ganed Sêra yng Nghwmparc ac fe'i addysgwyd yn Ysgol Gynradd Gymraeg Ynyswen, Ysgol Gyfun Cymer Rhondda, a Phrifysgol Rhydychen. Mae Sêra ar hyn o bryd yn gweithio fel Swyddog Cyswllt Ysgolion a Cholegau ym Mhrifysgol Morgannwg. Mae Sêra'n Gynghorwraig brwdfrydig, gofalgar a di-flewyn ar dafod, sy'n adnabyddus am ei hagwedd rhagweithiol a'i dyfalbarhad.

CENNARD DAVIES

Addysgwyd Cennard yn Ysgol Gynradd Treorci, Ysgol y Porth a Phrifysgol Cymru, Abertawe. Roedd yn athro yn Ysgol y Porth, yng Ngholeg Addysg Caerdydd a Phrifysgol Morgannwg, ble'r roedd yn Bennaeth Astudiaethau Ieithyddol. Mae Cennard wedi ysgrifennu sawl llyfr, nifer o erthyglau a nifer o gyrsiau Cymraeg. Mae'n helpu cynhyrchu papur Bro'r Rhondda, Y Gloran, yn Is-Lywydd yng Nghlwb Rygbi Treorci, yn Ysgrifennydd Capel Hermon and ac yn Ysgrifennydd Cymdeithas Gymraeg Treorci a'r Cylch. Mae gan Cennard ddiddordeb mewn materion addysgiadol ac amgylcheddol ac mae'n aelod o Bwyllgor Craffu Addysg a Dysgu Gydol Oes y Cyngor. Mae Cennard yn Gynghorydd profiadol ac angerddol.

EMYR WEBSTER

Mae gan Emyr gysylltiadau gref gyda bob rhan o Ward Treorci ac mae ganddo ddealltwriaeth da o'r gymuned. Ar ol byw yng Nghwmparc am 13 mlynedd, mae e erbyn hyn byw yn High Street, Treorci. Ar ol derbyn ei addysg yn Ysgol Gyfun Treorci, aeth Emyr i weithio yn Sain Tathan, ond mae pawb yn ei adnabod fel cyn-reolwr Decomate yn Bute Street. Ar yr adeg yma, Emyr oedd ysgrifennydd Siambr Masnach Treorci ac mae e hefyd wedi bod yn aelod o fyrddau llywodraethu sawl ysgol yn y Ward. Roedd Emyr yn un o drefnwyr mwya' blaengar Gwyl Treorci a gynhaliwyd yn y dref yn ddiweddar. Mae Emyr ar hyn o bryd yn gweithio yn y Tattoo Studio ym Mhentre, ac mae e hefyd yn gosod paneli solar ar dai. Mae Emyr yn ddyn dyumunol ac egniol, sydd a cydwybod cymunedol cryf. Bydd Emyr yn Gynghorydd a fydd yn cynrychioli trigolion Ward Treorci mewn modd effeithiol a brwdfrydig. Gobeithiwn yn fawr y wnewch chi cefnogi Emyr.

Ceisiadau Cynllunio

Thu, 04 Sep 2008 13:07:30 +0000

Ceisiadau Cynllunio a dderbyniwyd gan Gyngor Sir Rhondda Cynon Taf ar gyfer Gorffennaf - Hydref 2010:

Storfa ar gyfer carafannau: Uned 35, Ystad Ddiwydiannol Ynyswen.
Troi 'r sied yn yr ardd i mewn i garej ar gyfer car a stordy: 90, Stryd Tallis, Cwmparc.
Tŷ Haf: 166, High Street, Treorci.
Newid o garej a gorsaf betrol i siop: Bouchard a Jones, Ynyswen Road, Treorci.
Garej ar wahan: Dan-y-Seren, Clos Glyncoli, Treorci.
Wal newydd, ramp anabl a thoiledau anabl: Eglwys Providence, Teras Woodland, Ynyswen.
Newid o siop, popty a deli i siop goffi ac ardal yn y cefn ar gyfer plant/ pobl ifanc: 115 Stryd Bute, Treorci.
Gwelliannau i'r tu allan, ffenestri newydd pvc: 100-101 Stryd Bute, Treorci.

Ceisiadau Cynllunio a dderbyniwyd gan Gyngor Sir Rhondda Cynon Taf ar gyfer Hydref 2010 - Chwefror 2011:

Adeiladu ty ar wahan: Tir oddi ar Crown Avenue, wrth gefn Stryd Brynhyfryd, Ynyswen.
Estyniad un llawr ar gyfer cegin: 253 Heol y Parc, Cwmparc.
Estyniad dwy lawr a ffrynt newydd i'r siop: 104, Heol Bute, Treorci.
Bwrdd hysbysebu: Lidl, Ystad Ddiwydiannol Caemawr, Treorci. Noder: Cafodd y cais yma ei wrthod yn ystod cyfarfod y Pwyllgor Rheoli Cynllunio ym mis Ionawr, ac mae Lidl erbyn hyn wedi lawnsio apêl i'r Cynulliad Cenedlaethol. Mae pob Cynghorydd o Dreorci wedi datgan eu barn yn erbyn y cais.
Estyniad un llawr ar gyfer ystafell wely: Holme-lea, Park Crescent, Treorci.
Un ty gyda garej a lle i barcio ar y tir wrth ymyl y safle: Tir wrth 31, Stryd Dyfodwg, Treorci.
2 garej ar y safle parcio sydd eisoes yn bodoli: Tir gyferbyn â 1 & 2 Ger-y-Coed, Teras Vicarage, Cwmparc.
Estyniad dwy lawr i du cefn y ty ar gyfer cegin ac ystafell wely: 4, Heol Tyle-Du, Treorci.
Agoriad to newydd, offer newydd a simneau trwy'r to: Unedau 20, 21 a 22, Ystad Ddiwydiannol Treorci.
2 polyn i faneri: Ysgol Gynradd Treorci, Heol Glyncoli, Treorci.
Garej ar wahan: 89, Stryd Regent, Treorci.
Adeiladu pont pren i sicrhau mynediad: Trelawen, Clos Glyncoli, Treorci.
Dau cysgodle allanol yn yr iard: Ysgol Gynradd Treorci, Heol Glyncoli, Treorci.

Ceisiadau Cynllunio a dderbyniwyd gan Gyngor Sir Rhondda Cynon Taf ar gyfer Mawrth 2011:

Newid defnydd o hen iard adeiladu i garej, estyniad i ardd rhif 155 Stryd Bute ac adeiladu garej: Hen iard adeiladu, Stryd Windsor, Treorci.
Estyniad llawr cyntaf: 19, Regent Street, Treorci.
Ty ar wahan gyda garej mewnol a lle parcio ar dir wrth ymyl y safle: Tir wrth ymyl 31, Stryd Dyfodwg, Treorci.
Estyniad dwy lawr i gefn y ty ar gyfer cegin, ystafell wely ac ystafell ymolchi: 74, Prospect Place, Treorci.

Ceisiadau Cynllunio a dderbyniwyd gan Gyngor Sir Rhondda Cynon Taf ar gyfer Ebrill-Mehefin 2011:

Garej: 40, Heol Ynyswen.
Garej yng nghefn y ty: 10, Stryd Clark, Treorci.
10 o dai ar wahan a gyda'i gilydd: Tir wrth Heol y Fynwent, Bryn Rhodfa, Treorci.
Dau garej: Tir gyferbyn a Ger-y-Coed, Vicarage Terrace, Cwmparc.
Trawsnewid bloc stablau i dy: Fferm Glyncoli, Heol Glyncoli, Treorci.
3 ty tref: Capel Tabernacl, Stryd Dumfries, Treorci.
Estyniad i blaen y ty ac estyniad dwy lawr yng nghefn y ty: 18, Heol Glyncoli,Treorci.
Estyniad dwy-lawr llawn i greu cegin/ ystafell fyw ac adeiladu garej ar wahan: 72, Stryd Regent, Treorci.
Estyniad dwy-lawr i greu cegin ac ystafell wely a newidiadau mewnol: 11, Stryd Herbert, Treorci.
Estyniad llawr cyntaf i greu ystafell wely: 6, Treasure Street, Treorci.
Caniatad i gadw dau cysgod yn yr iard: Ysgol Gynradd Treorci, Heol Glyncoli, Treorci.
Estyniad llawr cyntaf i greu ystafell wely: 12, Stryd Herbert, Treorci.
Cadw'r gwaith sydd wedi cael ei wneud ar ffrynt yr adeilad: Bouchard a Jones, Heol Ynyswen, Treorci.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Gorffennaf-Awst 2011:

Estyniad yng nghefn y ty i greu ystafell gawod: 6, Stryd Glynrhondda, Treorci..
Cael gwared o amodau 2 a 3 ar gais 09/1180/10: Siop, 55 Stryd Bute, Treorci.
Newid defnydd o feddygfa i 2 fflat: 34, Stryd Bute, Treorci.
Garej ar wahan i gefn y ty: 38, Stryd Bute, Treorci.
Estyniad un llawr: 55, Stryd Dyfodwg, Treorci.
Newid y drws pren i ddrws aliwminiwm: Banc HSBC, 11 High Street, Treorci.
Ty Haf: 17, Clos Rheidiol, Ynyswen.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Medi 2011:

Ty dau lawr ar wahan: Tir tu cefn i Myrtle Row, Treorci.
Newidiadau ac estyniad: Cartref gofal Ty Pentwyn, Treorci.
4 ty dwy lawr gyda 3 ystafell wely gyda gerddi a newidiadau i Dafarn y Red Cow: Tafarn y Red Cow, High Street, Treorci.
Adeiladu 9 o dai, adnewyddu'r 'presbytery', cael gwared o'r eglwys a neuadd yr eglwys: Yr Eglwys Gatholig, Heol Glyncoli, Treorci.
Adeiladu 4 o dai dwy lawr a 2 byngalo: Safle'r Hen 'Pig and Whistle', Heol Ynyswen, Ynyswen.
Bilfwrdd sy'n sefyll ar wahan: Lidl, Ystad Ddiwydiannol Caemawr, Treorci.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Hydref 2011:

Estyniad a thrawsnewid gweithdy i fyngalow un ystafell wely: Tir gyferbyn a 17, Teras Dunraven, Treorci.
Garej ar wahan: 42, Stryd Stuart, Treorci.
Estyniad dwy lawr llawn er mwyn creu cegin ac ystafell wely: 5, Stryd Herbert, Treorci.
Cael gwared o, ac ail-adeiladu ty haf newydd: Bron y Glyn, Heol Chepstow, Cwmparc.
Peiriant arian ac arwyddion hysbysebu'r peiriant: Spar, Stryd Bute, Treorci.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Tachwedd 2011:

Decio y ty cefn i'r ty: 98, Stryd Bute, Treorci
Cael gwared o Gapel Bethel ac adeiladu dau dy a chanddynt tri ystafell wely: Capel Bethel, Heol y Parc, Cwmparc.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Rhagfyr 2011:

Estyniad dwy lawr i'r ystafell wely a'r gegin: 59, Stryd Regent, Treorci,
Garej ar wahan: 30, Heol Chepstow, Cwmparc.
Adnewyddu'r goleuadau a'r colofannau: Yr Oval, Clwb Rygbi Treorci.
Bloc o sawl garej preifat: Tir tu cefn i 1-5 Heol yr Orsaf, Treorci.
Byngalow gyda 'granny annexe': Tir gyferbyn â 1, Woodland Vale, Treorci.
Cyntedd newydd i ffrynt y ty: Garej Wynne, Heol Ynyswen, Ynyswen.
Estyniad i'r bloc perfformio: Ysgol Gyfun Treorci
Newid defnydd i uned breswyl sengl a gweithdy (yn ogystal a chaniatad adeilad sydd wedi'i gofrestru): Capel Ainon, Heol Ynyswen, Ynyswen.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Ionawr 2012:

Ty dwy lawr a garej (retrospectif): Tu cefn i 208 Y Stryd Fawr, Treorci.
Sied wrth gefn y ty: 19, Stryd Tallis, Cwmparc.
Newid defnydd o fusnes i ddefnydd breswyl: 205, Heol y Parc, Cwmparc.
Cadw ty ar wahan a'r garej ar wahan: 30, Heol Chepstow, Cwmparc.

Ceisiadau cynllunio a dderbyniwyd gan Gyngor Sir Rhondda Cynon Taf ar gyfer Chwefror 2012:

Estyniad i'r llawr cyntaf i greu dwy ystafell wely: 15, Heol Orchwy, Treorci.
Estyniad un llawr i gefn y ty: 19, Swn yr Afon, Treorci.

Cyfarfod Cangen Nesaf

Mon, 23 Jun 2008 17:14:56 +0000

Cynhelir y Cyfarfod Cangen nesaf ar ddydd Mawrth, 13eg o Fawrth yng Nghlwb Rygbi Treorci am 7 o'r gloch.

Os hoffai unrhyw aelod o'r gangen awgrymu eitem ar gyfer y agenda, cysylltwch ag Ysgrifenydd y Gangen, Krys Williams, drwy ebostio.

Plaid Cymru - Cangen Treorci Newyddion

Ymgeiswyr Etholiadau 2012

Ceisiadau Cynllunio

Cyfarfod Cangen Nesaf